Հայաստանում սկսվել է «լռության օրը»

 

Հայաստանում սկսվել է «լռության օրը»

00:01, 16.09.2023

Տարածաշրջան:Հայաստան

Թեմա: Քաղաքականություն

Կեսգիշերին Հայաստանում սկսվեց «լռության օրը»։ Այս պահից մինչև սեպտեմբերի 17-ին տեղական ժամանակով ժամը 20.00-ի Երևանի ավագանու ընտրությունների քվեարկության ավարտն արգելվում է ցանկացած քարոզչություն։

Մայրաքաղաքի ներկայացուցչական մարմինն ընտրվում է համամասնական ընտրակարգով, այսինքն՝ կուսակցական ցուցակներով։ Այս պրակտիկան Երևանում կիրառվում է 2009 թվականից, և առաջիկա կիրակի կայանալիք ընտրությունները կլինեն այս ձևաչափով 5-րդը։ Քաղաքական կուսակցությունների և դաշինքների համամասնական ցուցակները գլխավորող անձինք Երևանի քաղաքապետի թեկնածուներ են։ Եթե ​​որեւէ ուժ ստանա մայրաքաղաքի ներկայացուցչական մարմնում մանդատների բացարձակ մեծամասնությունը (33), ապա նրա թեկնածուն օրենքի ուժով, այսինքն՝ մեխանիկորեն, կդառնա Երեւանի քաղաքապետ։ Հակառակ դեպքում կսկսվի կոալիցիաներ կազմելու գործընթացը։ Երեւանի ավագանու 5 տարի ժամկետով ընտրված 65 տեղի համար պայքարում է 14 քաղաքական ուժ՝ 13 կուսակցություն եւ 1 դաշինք։